Mii lea Sámikopiija
Oktavuohta
Luohttamušolbmot
Árbevirolaš máhttu ja dahkkivuoigatvuohta
Jahkedieđáhusat
Njuolggadusat
Kopibuhtadus
Beavdegirjjit
Miellahttusearvvit
Sámikopiija soahpamuš Kopinorain
Vuorká
 
Doaimmahus
 
Čálit!
IFRRO joatká árbevirolaš máhtuin
Riikkaidgaskasaš dahkkivuoigatvuođasearvi International Reproduction Rights Organisation (IFRRO) áigu čuovvolit searvvi álggahuvvon doaimma árbevirolaš máhtuin. Sámikopiija galgá leat doarjjan IFRROi dán oktavuođas.

Vaikke vel árbevirolaš máhttu ii lean fáddán IFRRO dán jagi čoahkkimis Dublinas golggotmánus, de galgá boahtteáiggis ain leat árbevirolaš máhttu dahkkivuoigatvuođa gažaldagaid ektui dehálaš hástalussan dán máilmmiviidosaš searvái. Nu dajai searvvi čállingottejođiheaddji Olav Stokkmo Sámikopiija ovddasteaddjiide čoahkkimis Dublinas. Sámikopiija fálai, ja dasto hástojuvvo IFRROi veahkkin dasa go searvi áigu ođasmahttit iežas čieža jagi boares áigumušcealkámuša árbevirolaš máhtu ektui. Ođđa áigumušcealkámuša galgá IFRRO čállingoddi ja stivra ovddidit boahtte jagi riikkaidgaskasaš čoahkkimii.

Mannan jagi IFRRO riikkaidgaskasaš čoahkkimis Aucklandas New Zealanddas lei árbevirolaš máhttu seminárafáddán. Sámikopiija lei bovdejuvvon ságastallat ee. searvvi árbevirolaš máhtu prošeavtta birra- Harald Gaski lei Sámikopiija ságastallin doppe. Sámikopiija ovddasteaddjit Dublin-čoahkkimis leigga Harald Gaski ja John T. Solbakk.


Almmuhan: 31.10.2007
Almmuhan: Webdoaimmaheaddji